Руси „наголемо“ пазареле недвижнини во Турција и Дубаи
Русите станаа најголемите странски купувачи на недвижен имот во Турција минатата година, тројно ги зголемија своите купувања бидејќи западните санкции поради инвазијата на Кремљ на Украина ги поттикнаа да инвестираат во странство, објави Блумберг, пренесува „24Часа“.
Минатата година Русите беа најголеми меѓународни купувачи на недвижности и во Дубаи. Руските граѓани купиле рекордни 16.312 домови во Турција во 2022 година, покажуваат податоците објавени во вторникот од Турскиот статистички институт. Ова е зголемување од цели 203 отсто во однос на 2021 година и претставува речиси четвртина од сите продажби на турски имоти на странци, пишува БНР.
„Анталија се русифицира“, рече Али Кемал Гурдал, развивач во медитеранскиот град. Многу руски купувачи аплицираат за државјанство, право што им се дава на оние кои купуваат домови за најмалку 400.000 долари, рече тој.