Русите им се заканувале на членови на ИОК?!
Односите меѓу Меѓународниот олимписки комитет (ОИК) и руските власти значително се влошија во последниве години, а сега дојдоа до тоа членовите на ИОК да добиваат добиваат директни, отворени закани од Москва.
Оваа информација ја објави претседателот на ИОК, Томас Бах, на Собранието на олимпискиот комитет што се одржа во Лозана, Швајцарија.
– Дајте му шанса на мирот, тоа беше мојот повик до политичарите низ целиот свет во говорот на отворањето и на затворањето на Зимските олимписки игри во Пекинг. Но, испадна дека Зимските олимписки игри во Пекинг 2022 беа привреме момент за надеж дека мирот и олимпизмот ќе „победат“, За жал, ние може само да се жалиме бидејќи односите со руските политички лидери драматично се влоши во последните неколку години. Тие се влошија по бројните допинг скандали, кибернетските напади, па имаше дури и лични закани за членови на ИОК и на Олимпиското движење изјави Бах кој притоа не прецизираше кој од членовите на ИОК добивал закани.