Делегацијата на руски стручњаци одобрила во Институтот „Торлак“ да почне првата фаза од производството на руската вакцина против коронавирусот „Спутник V“, соопшти директорката на Институтот, Вера Стоиљковиќ.

Според неа, производството на руската вакцина „Спутник V“ на Институтот „Торлак“ во Србија значи дека вакцината во секој момент ќе им биде на располагање на граѓаните.

Како што објасни таа за српските медиуми, континуитетот на имунизацијата никогаш не би бил доведен во прашање и граѓаните превентивно ќе бидат заштитени од заразата со вирусот и додаде дека производството на вакцината во Србија би значела здрава популација.

„Што се однесува на лекарите, ним исто така, со превентивата односно со вакцинацијата на населението, ќе им се олесни работата, би се дошло до тоа да требаат помалку напори, многу полесни клинички слики, што за државата би значело поздрава и поуспешна популација“, објаснува Стоиљковиќ.

Според неа во првата фаза предвидено е производство на финалниот глот или финалниот производ, што практично значи полнење и пакување на вакцината токму во „Торлак“.

„Со која брзина ќе одиме зависи од времето потребно производните погони да се усогласат со производството на новата вакцина“, објаснува Стоиљковиќ.

Засега не е познато кога Србија би влегла во втората фаза од производството, односно целосно производство на вакцината.