Русин снимал напуштена база: АЈДЕ да видиме како Американците живееле (ВИДЕО)

Човек кој зборува руски јазик вчера објави снимка од напуштената американска база во северна Сирија, истиот ден кога Русија објави дека нејзините сили влегле во регионот, пишува Ен-Би-Си њуз.

На снимката се слуша како човекот вели: „Ајде да видиме како Американците живееле“.

Видеото е поставено на социјалните мрежи од напуштената база кај Манбиџ, околу 25 километри од турската граница.

Полковникот на американската војска Мајлс Кагинс, главниот портпарол на американската кампања во Сирија, потврди дека Манбиџ е евакуиран за „намерно повлекување од североисточна Сирија“, откако претседателот Доналд Трамп нареди завршување на американското присуство во тоа подрачје.

Трамп минатата недела изјави дека САД ќе се повлече од курдските територии во северна Сирија и дека нема да се меша во турската инвазија, кои ја сметаат курдската милиција за непријателска и ја поврзуваат со антивладините бунтовници во Турција.

Американското повлекување, кое го расчисти патот за турска инвазија, го осудуваат во САД за напуштањето на курдските Сириски демократски сили, главниот сојузник во регионот за борба против Исламска држава.

Прочитајте и...  ФБИ/КИСА: Ирански хакери собрале податоци за американски гласачи

Курдските сили се бореа за секуларна влада во Сирија, но по турската инвазија немаа избор освен да побараат помош од сирискиот претседател Башар ал Асад, кого го подржува Русија.

Руското министерство за одбрана вчера соопшти дека руските сили влегле во чувствителни подрачја во Сирија и дека патролираат долж турската граница за да спречат конфликти помеѓу турските и сириските сили.

Поврзани вести

Катанци се редат: Уште една земја воведува карантин

Слободен печат

Владејачката партија Грузиски сон води на денешните изборите

Слободен печат

Вучиќ пристигна во Црна Гора за погребот на владиката Амфилохие

Слободен печат

ВИДЕО: Фатен еден осомничен за нападот во Лион, каде беше ранет грчки свештеник

Слободен печат

Милер: Доколу победи Трамп ќе се заострат правилата за влез на имигранти во САД

Слободен печат

Се бараат донации на Фејсбук, а возниот парк на Заеви чини колку 10 амбулатни возила, бесни од опозицијата

Слободен печат

Остави Коментар