Денеска продолжија возбудувањата на Европското одбојкарско првенство, после групната фаза започнаа и елиминациските осминафинални средби. Германија триумфираше над Холандија со 3:1, Русија која беше наш ривал во Љубљана ја оправда фаворитската улога против Грција, а Србите беа подобри од Чешка.

Руската репрезентација која е бранител на европската титула докажа уште еднаш зошто е и на овој шампионат еден од главните фаворити за златото.

Грците и не се покажаа како достоен ривал за Русите (25:16, 25:15, 25:16), да и македонската селекција загуби со 3:0, но барем беше нешто повозбудливо, а многу добро се сеќаваме на третиот сет.

Во четвртфиналето Русија ќе игра против победникот од дуелот Словенија-Бугарија, потоа Србите со подобриот од Белгија-Украина, а Германците против Полска или Шпанија.

Во Нант Франција ги одмерува силите против Финска, а Италија се соочува против турската репрезентација.