Русија протера двајца дипломати од финската амбасада

Русија руско знаме Министерство за надворешни работи МНР
Знаме на Русија МНР/ Фото: EPA-EFE/MARTIN DIVISEK

Руското Министерство за надворешни работи соопшти дека протерува двајца дипломати од финската амбасада во Москва како одмазда против одлуката на Хелсинки да протера двајца свои дипломати, пишува Ројтерс.

Во соопштението, исто така, се вели дека руското МНР протестира против, како што рече, „конфронтациониот курс на Финска кон Русија“, очигледно мислејќи на кандидатурата на Финска за влез во НАТО.

Парламентот на Финска денеска ќе гласа за пријавата на земјата за членство во НАТО.

Одборот за надворешни работи едногласно ја поддржа пријавата, оценувајќи дека Финска мора да биде членка на Северноатлантската алијанса.

Претходно, финскиот претседател Саули Нинисто изјави дека со членството во НАТО „ќе ја максимизира безбедноста на земјата”.

Видео на денот