Русија призна дека од есента незаконски и неоправдано мобилизирала над 9.000 илјади луѓе за војната против Украина, пишува агенцијата АП.

„Повеќе од 9.000 граѓани кои беа незаконски мобилизирани се вратени дома – вклучително и оние кои во никој случај не требаше да бидат повикани поради здравствени причини”, рече главниот обвинител Игор Краснов на средбата со претседателот Владимир Путин.

Критичарите на руските власти, сепак, претпоставуваат дека многу повеќе луѓе биле незаконски регрутирани за време на мобилизацијата нарачана од Путин во септември и дека тие никогаш не се вратиле.

Вкупно 300.000 луѓе ширум земјата беа повикани во војската за да одат на фронтот во Украина. Обвинителот Краснов, за време на мобилизацијата, рече дека во процесот имало „многу сериозни проблеми”.