Русија ќе ги вооружува космонаутите за да се заштитат од диви животни
Русија ќе ги вооружи своите космонаути со посебни пиштоли со кои би требало да се заштитат од диви животни, доколку слетаат во далечни и ненаселени предели, изјави дирекоторт на руската Вселенска агенција Димитриј Рогозин, објави „Н1“.
– Овој вид на оружје веќе се тестира. Мислам дека во период од една година, година и пол, овие пиштоли ќе бидат дел од опремата на космонаутите – рече Рогозин за новинската агенција „ТАСС“.
Тој додаде дека слетувањата би можела да се одвиваат во ретконаселени и шумски подрачја, и космонаутите потенцирале дека би било добро да имаат такво нешто во опремата.
Истото оружје би можело да послужи и за сигнализација на местата на слетување и за самоодбрана.
Рускиот космонаут Олег Кононенков, кој неодамна се врати на Земјата од Меѓународната вселенска станица, потврди дека оружјето би било потребно поради дивите животни.