Русија ја одложува испораката на С-400 за Турција
Испораката на другата серија од рускиот противракетен систем С-400 за Турција може да биде одложена после планираниот рок, кој е 2020 година.
Како што се наведува, испораката се одложува заради преговори за размена на технологија и заедничко производство.
Тоа го изјави шефот на турската Дирекција за одбранбена индустрија, Исмаил Демир, пренесува Ројтерс.
Турција ја доби првата серија од системот С-400 во јули, покрај противењето на САД и заканите за санкции, но Вашингтон продолжува разговори со Анкара за оддалечување на таа земја од рускиот систем за одбрана.
Исмаил Демир исто така рекол дека Русија им понудила на Турција да им ги продаде своите борбени авиони и дека Анкара ја проценува понудата.
Тој рекол дека одлуката ќе биде донесена после „сеопфатни анализи“ на понудата.