Русија: Интернетот и мобилните телефони во прекин за време на протести за поддршка на Навални

epa08944944 A still image taken from a handout video footage posted by Kira Yarmysh, press-secretary of Alexei Navalny, on Twitter shows Russian opposition leader and anti-corruption activist Alexei Navalny (front 2-L) and his wife Yulia (front- L), during Navalny's detention by officers of the Russian Federal Penitentiary Service at the Sheremetyevo airport in Moscow, Russia, 17 January 2021. Alexei Navalny was detained after his arrival to Moscow from Germany. EPA-EFE/KIRA YARMYSH EDITORIAL USE ONLY/NO SALES

 Услугите на мобилните оператори и интернетот во Русија денеска биле во прекин, јави веб-страницата dovndetector.ru во моментот кога полицијата ги сузбиваше забранетите демонстрации со кои се бара ослободување од затвор на рускиот опозициски лидер Алексеј Навални.

Некои светски агенции јавија дека над 200 демонстранти биле приведени на рускиот Далечен исток и Сибир, а невладината организација ОВД-Инфо, која ги следи политичките апсења, соопшти дека најмалку 48 лица биле приведени за време на денешните протести во повеќе градови, вклучувајќи ги Владивосток и Хабаровск.

Организаторите на демонстрациите во Владивосток изјавија дека таму на протестот излегле околу 3.000 луѓе, а според проценките, ќе има уште повеќе учесници на попладневниот собир што ќе се одржи во Москва.

Пораките на приврзаниците на Навални, кои повикуваат на протести во неколку десетици градови низ Русија, деновиве ги преплавија социјалните мрежи. Полицијата затоа наводно се вмешала во мобилните услуги со цел да им се отежне комуникацијата на демонстрантите и да се спречи споделување видеа на интернет.

Навални, кој е најистакнат политички противник на рускиот претседател Владимир Путин, беше уапсен на 17 јануари кога се врати од Германија во Москва, каде помина пет месеци закрепнувајќи од, како што се сомнева, труење со нервни агенси, за што го обвинува Кремљ.

Властите велат дека со престојот во Германија, тој ја прекршил условната казна според кривичната пресуда, во случај за кој Навални вели дека е незаконски, па на почетокот на февруари, судот ќе одлучи дали ќе издржи казна од 3,5 години.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот