Русија го нападна Киев за време на посетата на британскиот премиер Стармер
Украинските единици за воздушна одбрана (ПВО) денеска дејствуваа над центарот на Киев, а експлозии одекнаа низ главниот град на Украина.
Препорачано
Оваа информација ја пренесува Укринформ кој се повикува на објавата на градоначалникот на Киев, Виталиј Кличко.
– Силите за противвоздушна одбрана дејствуваат во центарот на главниот град. Останете во засолништа“, напишал Кличко на својот канал на Телеграм.
Укринформ објави дека е прогласена тревога за воздушна опаснст во Киев и други региони на земјата.
Ројтерс пренесува извештаи на очевидци за експлозии слушнати за време на посетата на британскиот премиер Кир Стармер на главниот град на Украина и дека силите за воздушна одбрана се обидуваат да го одбијат нападот на руските беспилотни летала.
Се известува дека градските власти објавиле дека нема жртви во овој напад, а автомобил погоден од остатоци од дрон бил оштетен во еден од киевските квартови.
Peace through strength.
I’m in Kyiv with a simple message to the people of Ukraine:
Our 100 Year Partnership is a promise that we are with you, not just today or tomorrow, but for a hundred years – long after this war is over and Ukraine is free and thriving once again. pic.twitter.com/sd7BghKz28
— Keir Starmer (@Keir_Starmer) January 16, 2025
Пред посетата, Зеленски навести дека ќе ја искористи средбата со Стармер за да разговара за шансите британските трупи да бидат распоредени во Украина како мировници по каков било договор за прекин на огнот со Кремљ.
Русија секојдневно лансира беспилотни летала на цели низ Украина. Украинското воздухопловство денеска соопшти дека синоќа биле соборени 34 беспилотни летала од 55 лансирани од руските сили, а 18 не стигнале до целите.
