Русија е најголем купувач на злато во светот

Фото:. EPA-EFE/FRANK RUMPENHORST

Централните банки ширум светот во првиот квартал од 2019 година купиле најголем износ на злато во последните шест години, при што водечката позиција ја обезбеди Русија бидејќи земјата настојува да ја намали зависноста од доларот.

Глобалните резерви на злато се зголемија за 145,5 тони од почетокот на годината до крајот на март, што претставува зголемување од 68 отсто во споредба со истиот период минатата година.

Ова е најголeм пораст на глобалните резерви за периодoт од 2013 година, според најновиот извештај на Светскиот совет за злато (WSG).

Централната банка на Русија во првиот квартал во своите трезори додаде 55,3 тони злато, благодарение на што нејзините и онака големи резерви достигнаа 2,168 тони, што земјата повторно ја направи најголем купувач на злато, се вели во извештајот, а пренесува „Раша тудеј“.

„Русија купи 274,3 тони злато во 2018 година и драматично ја намали сопственоста на американски обврзници, во рамки на своите напори за диверзификација на девизните резерви“, наведува Светскиот совет за злато.

Кина го зазеде второто место, бидејќи во првиот квартал купи 33 тони злато. И неколку други земји значително ги зголемија своите резерви на злато, вклучувајќи ги и Еквадор, Турција, Индија и Казахстан.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот