РУШАТ РЕКОРДИ: Полицијата во Рио де Жанеиро дневно убива по пет луѓе
Во последните години се појави и т.н. милиција, паравоена група формирана главно од активни и пензионирани полицајци.
Бројот на убиства од страна на полицијата во Рио де Жанеиро во минатата година ги сруши сите рекорди откако властите презедоа контроверзни мерки во борбата против насилството.
Полицијата убила 1.810 луѓе, што во просек е пет лица на ден. Тоа е најголема бројка откако почнаа да се прибираат официјални службени податоци во 1998 година.
Критичарите обвинуваат дека растот на насилството се должи на политиката која вклучува употреба на тешко вооружување во борбата против криминалците во густо населените места.
Сепак, функционерите во Бразил велат дека овој метод помогнал бидејќи е опадната стапката на криминал.
Рио де Жанеиро е едно од најгусто населените подрачја во Бразил, а огромен дел од градот е под контрола на криминалните групи, главно поврзани со шверцот на дрога. Во последните години се појави и т.н. милиција, паравоена група формирана главно од активни и пензионирани полицајци.