РСЕ: Бајден за сеопфатно решение што ќе доведе до признавање на Косово и Србија

Фото: EPA-EFE/KEVIN DIETSCH / POOL

Новата американска администрација целосно го поддржува бриселскиот дијалог меѓу Косово и Србија, чија цел е сеопфатен договор за нормализација, што ќе доведе до меѓусебно признавање, изјави американскиот Стејт департмент за Радио Слободна Европа (РСЕ).

-Како што рече претседателот (Џо) Бајден: сеопфатно решение што ќе доведе до меѓусебно признавање, зачувување на суверенитетот и територијалниот интегритет на двете земји и зајакнување на нивните демократски институции е од суштинско значење за напредокот на Косово и Србија. Тоа ќе ја подобри безбедноста и просперитет на двете земји, ќе ги зајакне нивните аспирации за членство во Европската унија и другите мултилатерални институции и ќе ја поддржи трајната цел ширум Европа, да биде слободна и мирна, се вели во писмената изјава на Стејт департментот.

Американските официјални лица потсетија дека американскиот државен секретар Ентони Блинкен за време на сослушувањето во Комитетот за надворешни односи на американскиот Сенат на 19 јануари ги поздрави напорите на претходната администрација на Косово и Србија .

-Постојат работи што можеме да ги направиме за да му помогнеме на напредокот на Косово, а исто така се надеваме – тоа ќе ја придвижи и Србија напред, кажа тогаш Блинкен.

Извор:МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот