РСБСП: Најголем број сообраќајки предизвикани од замор се случуваат во летниот период

Најголем број сообраќајни незгоди предизвикани од заморот се случуваат токму во летниот период во часовите предвидени за спиење. Заморот во летниот период е примарна причина за околу 20 отсто од смртните случаи на патиштата во светот. Слична е состојбата и на патиштата кај нас, информираат од Републичкиот совет за безбедност на сообраќајот на патиштата (РСБСП).

Сообраќајните незгоди што се последица на заморот, како што се посочува, најчесто завршуваат фатално поради недостиг на можност за реакција од страна на возачот, односно поради недостиг на можност за избегнување или амортизирање на последиците од незгодата.

Од РСБСП препорачуваат возачите да бидат одморени кога ќе управуваат со моторно возило, да не тргнуваат на долг пат после работа или после цел ден поминат на плажа, да прават 15 минути пауза на секој два часа ефективно возење, да консумираат повеќе вода додека возат и да избегнуваат пијалаци со многу шеќер и да бидат внимателни со употребата на лековите и другите психотропни супстанции (задолжително да го прочитат упатството и да се консултираат со лекар доколку имаат потреба).

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот