Рот упати јасна порака: Бугарија да го признае македонското малцинство
Поранешниот германски министер, сега пратеник во германскиот парламент Михаел Рот на својот Твитер профил ја поздрави средбата на премиерите Ковачевски и Петков и побара признавање на македонското малцинство во Бугарија.
-Многу е добро што се среќаваат новите премиери на Бугарија и на Северна Македонија. Како што Северна Македонија признава бугарско малцинство, конечно Бугарија мора да ги спроведе пресудите на Европскиот суд за човекови права и да признае македонско малцинство во Бугарија. Во ЕУ ниту една земја не смее да одлучува за јазикот и културата на друга земја“, напиша Рот на Твитер.
Sehr gut, dass sich die neuen Regierungschefs von Bulgarien+Nordmazedonien treffen! So wie 🇲🇰 die 🇧🇬 Minderheit in 🇲🇰anerkennt, muss 🇧🇬 endlich das EMRK-Urteil umsetzen+die 🇲🇰Minderheit in 🇧🇬 anerkennen. In 🇪🇺 darf kein Land über Sprache+Kultur eines anderen Landes entscheiden.
— Michael Roth MdB 🇪🇺 (@MiRo_SPD) January 18, 2022
Рот во владата на канцеларката Ангела Меркел беше министер за Европа и важи за голем поддржувач на Македонија и нејзинината евроинтеграција.