Рот со порака до Димитров: Ги исполнивте условите, преговорите треба да почнат што побргу

Германија очекува до крајот на нејзиното претседавање со Европската Унија (ЕУ) да биде одржана првата Меѓувладина конференција и да почнат пристапните преговори со Северна Македонија, изјави германскиот министер за Европа, Михаел Рот по денешната средба во Берлин со македонскиот вицепремиер за европски прашања, Никола Димитров.

– Во својство на претседавач со Советот за општи работи, гордо изјавувам дека планираме да започнеме со организација на првата Меѓувладина конференција и да ги започнеме пристапните преговори со Северна Македонија. Прилично сме оптимистични дека можеме да започнеме со пристапните преговори пред крајот на нашето претседавање. Во моментот имаме многу плодна и позитивна дискусија со другите земји членки на ЕУ, која треба да заврши со договор за рамката за пристапните преговори, рече Рот.

Прочитајте и...  Виц на денот: Венчавка

Тој истакна дека во заклучоците на Советот веќе се договориле дека нештата се прилично позитивни.

– Од моја страна, Северна Македонија ги исполни условите и сега е вистинско време да испорачаме. Треба да почнеме со пристапните преговори што е можно побргу, нагласи Рот.

На средбата, како што соопшти Секретаријатот за европски прашања, биле детално разгледани следните чекори во однос на постигнувањето на заедничкиот успех – Северна Македонија да ги почне пристапните преговори за време на германското претседателство со ЕУ.

Димитров информира за плановите за реорганизација на преговарачката структура и постојниот механизам за координација на евроинтеграцијата, за да може ефикасно да се одговори на предизвиците од новата методологија.

– Оваа 2020 година, и покрај сите предизвици, ќе биде запаметена и како годината во која Северна Македонија, нејзините сојузници и партнери имаат причина за славење. За успешно заокружување на годината, по одлуката во март, потребна е уште една значајна одлука која што ќе го отвори патот кон конечно остварување и на втората стратешка цел – полноправно членство во Европската Унија. Со пријател како Германија на чело на Унијата, заедничкиот успех е на дофат, рече Димитров.

Прочитајте и...  Нагорно Карабах останува воена зона: Турција е подготвена да испрати војска во Азербејџан

Соговорниците ја потенцирале важноста и на Берлинскиот процес во контекст на регионалната соработка, како платформа што може да придонесе за насочување на сите регионални иницијативи и за продлабочена економска соработка и поврзување на регионот.

Поврзани вести

Втор ден по ред без починат од Ковид-19 на Косово: Во последните 24 часа се пријавени 159 позитивни случаи

Слободен печат

Ќе се воспостави Центар за згрижување на повредени и запленети диви животни

Слободен печат

Поради дојава за поставена бомба: Евакуирана железничката станица во Лион

Слободен печат

Институт СНАП: Зголемена употребата на психоактивни супстанци во Италија по карантинот

Слободен печат

Заев: Подготвени да ја исполниме нашата ЕУ агенда, нема да дозволиме причини за нови одлагања (ВИДЕО)

Слободен печат

Проценка на Светска банка за Западен Балкан: Економиите на С. Македонија, на Србија и на БиХ ќе претрпат најмала штета од пандемијата

Слободен печат

Остави Коментар