Роналдо: Време е да барам нов предизвик, му посакувам сè најдобро на Манчестер јунајтед
Кристијано Роналдо денеска спогодбено раскина со Манчестер јунајтед и повеќе нема да биде играч на славниот англиски клуб.
Вториот мандат на Португалецот на „Олд Трафорд“ заврши на неславен начин, а Роналдо се огласи и им испрати порака на навивачите.
– По разговорите со раководството на Манчестер јунајтед постигнавме договор за прекин на соработката. Го сакам Манчестер и ги сакам навивачите на овој клуб, тоа никогаш нема да се промени. Мислам дека е време да барам нов предизвик. Му посакувам сè најдобро на Манчестер јунајтед – објави Роналдо.
Еден од најдобрите во историјата на фудбалот, моментно е со португалската репрезентација на Светското првенство во Катар.
Првиот меч на Мундијалот избраниците на селекторот Фернандо Сантош ќе го имаат в четврток (24 ноември) во Доха против Гана.
Cristiano Ronaldo statement 🚨🇵🇹
“Following talks with Manchester United, we’ve mutually agreed to end our contract.
I love Manchester United and I love the fans, that will never ever change.
It feels like the right time to seek a new challenge.
I wish Man Utd all the best”. pic.twitter.com/rQTxEIjrLA
— Fabrizio Romano (@FabrizioRomano) November 22, 2022