Роналдо се враќа во Италија, му претстои карантин
На италијанските клубови ќе им биде дозволено да продолжат со индивидуалните тренинзи на 4 мај, а исто така ќе можат да тренираат во групи од 18 мај.
Еден од најискусните фудбалери на Јувентус, Кристијано Роналдо, во вторник се очекува да се врати во Италија.
Според „Рекорд”, управата на италијанскиот фудбалски шампион ги повикува своите странци кои треба да бидат ставени во карантин две недели по враќањето во Торино.
Веднаш потоа играчите на „Старата дама“ ќе продолжат со тренинзите. Изминативе неколку недели, Роналдо е со семејството во Мадеира, каде продолжи да ја одржува својата форма.
И натаму не е познато дали Гонзало Игуаин ќе се врати на Апенините, моментно е со својата болна мајка во Аргентина.
На италијанските клубови ќе им биде дозволено да продолжат со индивидуалните тренинзи на 4 мај, а исто така ќе можат да тренираат во групи од 18 мај.