Роналдо нема да игра против Трајковски во финалето на Суперкупот на Саудиска Арабија
Ги имаме финалистите на Суперкупот на Саудиска Арабија, тие се екипите на Ал-Итихад и Ал Феиха чии бои ги брани македонскиот репрезентативец Александар Трајковски. Нашиот играч беше на клупата за резервни играчи, но не настапи во победата на Ал Фејха (1:0) против Ал-Хилал.
Кристијано Роналдо нема да се бори во првиот месец за првиот трофеј во Саудиска Арабија со неговиот нов клуб, откако неговиот Ал-Наср загуби во полуфиналето од Ал-Итихад со 3:1.
Португалецот кој ќе добива околу 200 милиони евра годишно и втор меч по ред завршува без погодок за Ал-Наср.
Поразот на клубот на Роналдо е огромно изненадување бидејќи на хартија ја имаше фаворитската улога, но на теренот имаше целосно друга слика. Ал Итихад беше подобар и се избори за пласман во мечот за пехарот. Ал-Наср ја добива потребната поддршка од своите навивачи, но во овој период не им се возвраќа со посакувани резултати.
Финалето меѓу Ал Фејха и Ал-Итихад ќе се игра на 29 јануари на „Кинг Фахд“ меѓународниот стадион во Ријад.