Кристијано Роналдо со своите 37 години нема време да го чека Манчестер јунајтед да развие тим кој би можел да им конкурира на Манчестер сити и Ливерпул во Англија, а не сака да изгуби уште една сезона надвор од Лигата на шампионите.

Според многумина враќањето на Португалецот во дресот на „црвените ѓаволи“ беше нелогично, но тој има договор, а клубот не сака да го продаде по ниту една цена, туку да биде нивна главна поддршка во формирањето на новата екипа.

Сепак последните информации велат дека на „Олд Трафорд“ се подготвени да го раскинат договорот на играчот кој не се ни поздрави со менаџерот Ерик тен Хаг по дебаклот во Брентфорд.

Навивачите негодуваат за непочитувањето што го покажува кон клубот, а останаа шокирани кога во една од дискусиите на социјалните се вклучи и самиот Роналдо.

– Вистината ќе ја дознаете кога ќе ме интервјуираат за неколку недели. Медиумите ве лажат. Имам тетратка во која во последните неколку месеци напишав 100 вести во кои сум спомнат, а само пет се точни. Замислете како е – напиша Роналдо на „Инстаграм“.

💣 @Cristiano explota en Instagram:

😱 "Sabrán la verdad cuando me entrevisten en un par de semanas. La prensa está contando mentiras. Tengo un cuaderno y en los últimos meses, de las 100 noticias que he apuntado, sólo 5 fueron correctas. Imaginen cómo es"

📻 #PartidazoCOPE pic.twitter.com/3pSdyKUNoo

— El Partidazo de COPE (@partidazocope) August 16, 2022

Илон Маск на Твитер напиша дека го купува Манчестер Јунајтед, па објасни дека се шегувал

Јунајтед со вклучи во трката за потписот со Обамејанг