Португалецот одлучи, доколку не биде како што тој посакува, можно е да се раздели со „црвените ѓаволи“ повторно, но овојпат после само една година.

Кристијано Роналдо годинава се врати на „Олд Трафорд“ и веднаш стана лидер на екипата, а со неколку голови им донесе радост на навивачите на премиерлигашкиот гигант.

Но, и покрај тоа, има еден куп гласини дека Португалецот не може да спаси клуб кој има многу осцилации, и можно е да си замине доколку не биде исполнета целта.

А дојде по трофеи. Секако, тој ја сака титулата во Лигата на шампионите, трофеј што го нема освоено со години. Но, тоа е малку нереална цел, исто како освојувањето на Премиер лигата, но она што дефинитивно би го оддалечило Роналдо од „Олд Трафорд“ е евентуалниот неуспех да се избори за место во ЛШ.

🚨 Cristiano Ronaldo could ask to leave Manchester United if they do not qualify for the Champions League next season. (Source: Daily Express) pic.twitter.com/CWhmaw5sme

— Transfer News Live (@DeadlineDayLive) November 9, 2021

Роналдо сака секоја година да игра во Лигата на шампионите и доколку Јунајтед го нема следната година, тој е решен да си замине и тоа веќе им го соопшти на блиските во клубот.

По 11 кола „црвените ѓаволи“ се само на шестото место со 17 бодови, а со оглед на силната конкуренција сезонава, вистинско прашање е дали би можеле да стигнат до една од првите четири позиции на табелата.

Нови детали од соблекувалната на Јунајтед, ѕвездите му се лути на Солскјер

36-годишниот Роналдо оваа сезона постигна четири гола на осум натпревари во Премиер лигата, додека во неговото омилено натпреварување – Лигата на шампионите, постигна пет гола на четири натпревари.