Манчестер јунајтед го сака Зинедин Зидан како наследник на Оле Гунар Солскјер на клупата.
Оваа вест ја пласира весникот „Тајмс“ кој пишува дека Зидан сепак е заинтересиран на седне на клупата на „црвените ѓаволи“,

Сопствениците на Манчестер јунајтед, семејството Глејзер, ја загуби довербата во Солскјер и веруваат дека позицијата на табелата, играта и резултатите не во согласност со квалитетите на екипата и поради тоа сакаат да го донесат Зидан.

Според сопствениците на Јунајтед, Зидан е идеален избор за „тешката“ соблекувална и тоа го докажа во Реал Мадрид каде мораше да биде лидер и авторитет меѓу бројните ѕвезди на екипата.
Зинедин Зидан не толку сигурен дека сега е идеалниот момент да дојде во Манчестер јунајтед, повеќе би сакал да ја преземе екипата по завршување на сезоната, но во клубот се надеваат дека одличните односи со Кристијано Роналдо и Рафаел Варан ќе ги премислам Французинот.

И Роналдо и Варан беа клучни играчи во Реал Мадрид кога екипа освои три титули во Лигата на шампионите.

Зидан е без ангажман уште од изминатото лето кога одлучи да си замине од Реал Мадрид бидејќи не освои ниту еден трофеј. Негова голема желба е да седне на клупата на француската репрезентација, но тоа место ќе се испразни дури по завршување на Мундијалот во Катар кој ќе се одржи во ноември и декември идната година.

Како резервна опција се споменува Брендан Роџерс, но тој не сака да го напушти Лестер на средина од сезоната.