Роналдо е очаен, сака да си оди од Манчестер јунајтед
Португалскиот репрезентативец Кристијано Роналдо се чини дека во летниот преоден рок дефинитивно е решен да си замине од Манчестер Јунајтед.
Во изминатиот период постојано се шпекулираше за неговата иднина на „Олд трафорд“ како и дека неговиот агент Жорге Мендеш веќе му бара нов клуб, а сега и самиот фудбалер ги презел работите во свои раце.
Како што пренесува „Тајмс“, Роналдо на новиот менаџер Ерик тен Хаг и на челниците на клубот им порачал дека неговата желба е да си замине во случај да пристигне добра понуда за него.
Cristiano Ronaldo told Man United he wants to leave this summer as he wants to see more ambition. Man Utd are still hopeful of keeping CR7, but aware of decision. 🚨🇵🇹 #Ronaldo
Cristiano has no agreement with any other club. Mendes explored options for weeks and will continue. pic.twitter.com/VRji13zrz0
— Fabrizio Romano (@FabrizioRomano) July 2, 2022
Реакцијата на Роналдо доаѓа откако неодамна Жорге Мендеш имал средба со новиот сопственик на Челси, Тод Боли кој изразил желба за ангажман на Португалецот.
Претходно, името на Роналдо се поврзуваше и со трансфери во Баерн Минхен, Наполи, Рома и Реал Мадрид.
Роналдо има уште 12 месеци од договорот со Јунајтед, а минатата сезона беше најдобар стрелец на тимот со 24 гола во сите натпреварувања, но „црвените ѓаволи“ имаа разочарувачка сезона која заврши без трофеј и на освоено шесто место во Премиер лигата поради што нема да играат во Лигата на шампионите следната сезона.