Бразилецот беше уапсен на аеродромот во главниот град на Парагвај, Асуснсион бидејќи влегол во државата со фалсификувани документи.

Интересно е што неговиот адвокат го бранеше со интересна реченица: „Тој е будала, не знаеше што прави“, а на крајот успеа да го извади од затвор.

Откако беше платена кауцијата, Роналдињо и неговиот брат на 8. април излегоа од затвор и завршија во домашен притвор и тоа во хотел во Асунсион.

– Тука сите се однесуваат добро кон нас, мирни сме но ова беа долги 60 дена. Спортуваме, имаме теретана, но мислам дека ова е едно компликувано доживување во животот кое засекогаш ќе го паметам. Луѓето не можат да замислат како е кога не можеш да работиш тоа што сакаш – вели Роналдињо за „Мундо Депортиво“.

За време на неговото отслужување на казната во Парагвај му се јавија многу поранешни соиграчи, а меѓу нив беа и неколкумина од Барселона.

– Барселона отсекогаш со мене се однесувала со голем респект. Моите поранешни соиграчи како Карлес Пујол и Роналдо ме познаваат многу добро и знаат дека ова не беше добар период за мене. Нивните зборови ми даваа сила, како и поддршката да издржам овој период – додаде Роналдињо.