Роман на годината: Дваесет дела ја поминаа првата селекција
Жири-комисијата за наградата „Роман на годината“ за 2021 година во состав Владимир Јанковски (претседател), Катица Гароска Ацевска, Ермис Лафазановски, Лилјана Пандева и Катерина Богоева (претставник на Фондацијата) ја направи првата селекција од пристигнатите 39 романи, избирајќи 20 наслови што ја продолжуваат трката за престижната награда.
Наградата ја доделува Фондацијата за унапредување и промоција на културните вредности „Славко Јаневски“, а годинава се доделува по 23-ти пат.
Првата селекција ја поминаа романите:
– „Втората месечина“, Владо Димовски, „Арс Либрис“
– „Најосаменото место“, Симеон Јанков, „Или-Или“
– „Денот на црвот“, Симона Јованоска, „Или-Или“
– „Атласот на тајните“, Дејан Крстески – Гостивар: Д. Крстески
– „Уништување“, Моџо Килингтон, „Арс Либрис“
– „Тегли“, Јордан Коцевски, „ПНВ Публикации“
– „Анатомија на бумбарот“, Стефан Марковски, „Паблишер“
– „Ловци на лажни вести од зграда 39“, Огнен Неделковски, Детски културен центар „Карпош“, Скопје
– „Велиново“, Димче Парталоски, „Топер“
– „Албино трип“, Александар Русјаков, „Арс Либрис“
– „Трамонтана“, Наташа Сарџоска, „Три“
– „Плетачката на тантели“, Билјана Станковска, „Феникс“
– „Баба“, Луан Старова, „Паблишер“
– „Теорија за кучешката година“, Милован Стефановски, „Матица Македонска“
– „Лебед“, Ана Стојаноска, „Полица“
– „Ноќите кога заспивавме во Помпеја“, Давор Стојановски, „Или-Или“
– „Деса“, Ивана Трајаноска, „Арс Либрис“
– „Еден сив мартовски ден“, Тања Урошевиќ, „Или-Или“
– „Веќе не сум истиот“, Војо Цветановски, „Арс Либрис“
– „Ден за одмазда“, Ивица Челиковиќ, „Паблишер“
Жири-комисијата треба да го соопшти добитникот на наградата најдоцна до 15 март. Наградата „Роман на годината“, чиј генерален покровител е „Комерцијална банка“ АД Скопје, се состои од плакета, оригинална статуетка и паричен износ од 150.000 денари.