Во четвртокот во рамките од третото коло во Лига Европа, Рома ремизираше 1:1 на домашен терен против екипата на Борусија Менхенгладбах.

Римскиот клуб беше многу блиску до освојување на трите бода, но непосредно пред самиот финиш Германците од пенал успеаја да го избегнат поразот.

Главниот судија од Шкотска, Вили Колам покажа на белата точка сметајќи дека Крис Смолинг во својот казнет простор играл со рака.

Но, доколку се погледне подобро снимката топката не удрила во ниту една од неговите раце, туку во главата на дефанзивецот на Рома. После мечот беа разочарани Италијанците, а својата грешка многу брзо ја видоа и судиите.

#ASRoma’s management spoke to the match officials after the game and they admitted that the decision to award the penalty was a mistake. We respect and thank them for their genuine honesty and now we focus on the next game. #ForzaRoma pic.twitter.com/tyPZlJxMxE

— AS Roma English (@ASRomaEN) October 24, 2019

– Разговаравме со судиите после натпреварот и тие признаа дека одлуката да се досуди пенал беше погрешна. Тоа го почитуваме и им се заблагодаруваме на искреноста. Сега се фокусираме на наредниот меч – напишаа од ФК Рома на Твитер.