Ролат со праз
За тесто:
500 грама брашно
2 лажици масло
1 мало лажиче сол
половина лажиче шеќер
1 лажиче сув квасец
250 милилитри млака вода
250 грама маргарин
За фил:
3 страка праз
зачини по желба
Подготовка:
Во подлабок сад измешајте ги сите суви состојки какви што се брашното, солта, квасецот и шеќерот. Потоа во друг сад измешајте го маслото со млаката вода. На крај истурете го маслото и водата во садот со суви состојки и убаво измешајте ги.
Измесете ги сите состојки убаво. Добиеното тесто оставете го да стаса околу еден час. Додека чекате да помине потребното време, ситно исечкајте го празот и кратко пропржете го. Пржете додека не испари водата што се наоѓа во неговиот состав.
Откако тестото ќе стаса, поделете го на три дела. Од секој дел, развлечете го во кора. Секоја од добиените кори, филувајте ја со испржениот праз.
Трите кори завиткајте ги во форма на ролат. Ставете ги во тепсија за печење и премачкајте ги одозгора со масло. Веќе подготвените кори, оставете ги да стасаат уште еден час.
Откако ќе помине потребното време, печете ги во претходно загреана рерна на температура од 200 степени околу 40 минути.