Ролан Гарос: Шампионката Швјонтек загуби само два гема во второто коло

epa09245961 Iga Swiatek of Poland celebrates winning against Rebecca Peterson of Sweden during their second round match at the French Open tennis tournament at Roland ?Garros in Paris, France, 03 June 2021. EPA-EFE/CHRISTOPHE PETIT TESSON

Актуелната шампионка Ига Швјонтек одигра одличен меч против Швеѓанката Ребека Петерсон на која и дозволи да освои само два гема. Во мечот кој траеше само 61 минута, Швјонтек славеше со 6:1,6:1.
Во првиот сет, лесно дојде до три брејка со кои поведе со 5:0 за потоа да го загуби својот сервис. Но, шампионката од минатата година веднаш направи рибрејк и го доби сетот за 34 минути игра.
Вториот сет беше идентичен на првиот, полската тенисерка два пати го одзеде сервисот на противничката и повторно поведе со 5:0 по што Петерсон успеа само да освои почесен гем во вториот сет.

Следна противничка во третото коло на Швјонтек ќе биде Анет Контавеит која со 6:2,6:0 ја победи француската тенисерка Кристина Младеновиќ.
Пласман во третото коло обезбеди и Џенифер Брејди од САД која во три сета со 6:4,2:6,7:5 ја победи Фиона Феро и си обезбеди пресметка со сонародничката Коко Гоф која пак со 6:3,7:6 ја елиминира Џијан Ванг од Кина.

Видео на денот