Ролан Гарос сака да го „убие“ Лејвер купот
Поранешниот австралиски тенисер, Сем Грот, ги обвини првите луѓе на Ролан Гарос дека намерно го саботираат Лејвер купот.
Поради пандемијата на коронавирусот, организаторите на Ролан Гарос одлучија грен слем турнирот да го презакажат за 20 септември со што ќе „прегази“ многу помали тениски турнири, а исто така во опасност е и Лејвер купот кој е закажан да се игра од 25 до 27 септември.
– Мислам дека тениската федерација на Франција во корелација со Интернационалната тениска асоцијација го поддржаа новиот формат на Дејвис купот, а сега својот турнир, Ролан Гарос, го закажаа и исто време кога треба да се игра Лејвер купот, кој за нив претставува реална закана. Исто така и АТП Купот го гледаат како закана за Дејвис купот.
Имам чувство дека се обидуваат да го „убијат“ Лејвер купот пред тој да стане голем тениски настан како што е Рајдер купот во голфот. Нема да ме изненади доколку сево ова заврши на суд бидејќи во игра се многу пари и големи спонзори – вели Грот.