Вториот тенисер на светот Данил Медведев се пласираше во второто коло на грен слем турнирот „Ролан Гарос“.

Денеска Русинот на Отвореното првенство на Франција рутински го совлаада Факундо Бањис од Аргентина со 3:0, сите три сета ги доби со резултат 6:2.

За Медведев, кој до триумфот дојде за 100 минути, ова беше само втор меч на земја оваа сезона. Во следното коло рускиот натпреварувач ќе ги одмери силите против Ласло Ѓере (Србија) кој трипати со 6:4 го совлада Литванецот Рикардас Беранкис.

Елиминација доживеа 15 носител Денис Шаповалов од Канада кој со 6:4, 6:1 и 7:6 (4) загуби од Данецот Холгер Руне.

Дождот привремено им создава проблеми на организаторите поради што доаѓа до прекин на мечевите на турнирот.

Во женска конкуренција досега завршија овие дуели: Андриањафитримо – Плишкова 1:2, Бронцети – Остапенко 0:2, Колинс – Томова 2:0, Круниќ – Рахимова 2:0 и Корне – Дои 2:0.