„Ролан Гарос“: Карењо Буста е наредниот ривал на Ѓоковиќ
Во последниот осминафинален меч во машка конкуренција на грен слем турнирот во Париз, Пабло Карењо Буста со 3:0 го елиминираше Даниел Алтмајер. За два часа и 22 минути игра шпанскиот натпреварувач успеа со 6:2, 7:5 и 6:2 да го совлада германскиот тенисер.
Па така, во четвртфиналето на Отвореното првенство во Франција Карењо Буста ќе ги одмери силите против Новак Ѓоковиќ кој претходно триумфираше над Карен Хачанов.
Кај жените Американката Софија Кенин (четврта носителка на турнирот) со 2:1 (2:6, 6:2, 6:1) триумфираше над Французинката Фиона Феро.
Кенин во четвртфиналето ќе ги одмери силите против победникот од последниот осминафинале дуел помеѓу Онс Џабир (Тунис) и Дениел Роуз Колинс (САД).
„Ролан Гарос 2020“
Четвртфинале, двојки (мажи) –
Новак Ѓоковиќ-Пабло Карењо Буста
Андреј Рублев-Стефанос Циципас
Диего Шварцман-Доминик Тим
Јаник Синер-Рафаел Надал
Четвртфинале, двојки (жени) –
Ига Швјонтек-Мартина Тревизан
Елина Свитолина-Надја Подороска
Онс Џабир/Дениел Роуз Колинс-Софија Кенин
Петра Квитова-Лаура Зигемунд