Ројтерс: Лидерите на ЕУ не се договорија

epa08554947 European Council President Charles Michel (L) and European Commission President Ursula von der Leyen (R) meet with Ireland's Prime Minister Micheal Martin (2-R), Luxembourg's Prime Minister Xavier Bettel (4-R) and Belgium's Prime Minister Sophie Wilmes (3-R) during a meeting on the sidelines of an EU summit in Brussels, Belgium, 19 July 2020. European Union nations leaders are meeting face-to-face for a third day to discuss plans responding to coronavirus crisis and new long-term EU budget. EPA-EFE/FRANCOIS WALSCHAERTS / POOL

Групата т.н. „штедливи земји“ – Холандија, Австрија, Данска Шведска и Финска, се залагаат за што помалку грантови, но и построги услови за распределба на средствата од фондот.

Лидерите на ЕУ не постигнаа договор на самитот во Брисел за обемот на грантови во рамки на економскиот пакет на помош за земјите кои најлошо се погодени од пандемијата на коронавиурс.

Повикувајќи се на неименуван дипломатски извор, Ројтерс јавува дека за групата „штедливи“ земји лимитот на помош е 350 милијарди евра, а за останатите 400 милијарди, вклучувајќи ги Германија и Франција.

ЕУ лидерите на самитот во Брисел разговараат за пакетот вреден 1.824 милијарди евра, кој опфаќа повеќегодишен заеднички буџет (1.074 милијарди евра) и фонд за опоравување (750 милијарди евра).

Досега договор не е постигнат ниту околу самата големина на пакетот, но ни во однос на неповратната помош и заедми на кои земјите членки може да сметаат од фондот за опоравување како ни околу условите за управување со парите.

Групата т.н. „штедливи земји“ – Холандија, Австрија, Данска Шведска и Финска, се залагаат за што помалку грантови, но и построги услови за распределба на средствата од фондот.

Од друга страна се Италија, Шпанија, Португалија, поддржани од Германија и Франција кои инсистираат на најголема финансиска помош за обнова од последиците на кризата со ковид-19.

Германија и Франција се залагаат на земјите членки низ фондот за опоравување на располагање да им се стават 400 милијарди евра, додека т.н. „штедливи земји“ не се согласуваат со бројката која оди над 375 милијарди евра.

Последен предлог

Предлогот кој моментално е на маса е предлогот на претседателот на Европската комисија Шарл Мишел и тој изнесува 450 милијарди евра во грантови и 300 милијарди евра во позајмици.

Се оценува и дека покрај прашањето за парите меѓу „штедливите држави“ и германско- француската коалиција води борба за политичка превласт кога е во прашање чиј предлог ќе биде поддржан.

Доколку европските лидерви вечерва одлучат да ги продолжат утре разговорите, самитот ќе влезе во четврти ден. Последен пат еден европски самит траеше четира дена пред 20 години, а беше одржан во Ница, Франција.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот