Родителите славеле и се веселеле: Судот во Иран раскинал брак меѓу 11-годишно девојче и 22-годишно момче (ВИДЕО)
Судот во Иран раскинал брак склопен меѓу 11-годишно девојче и 22 годишно момче, по што им наредиле на родителиет да почекаат две години, кога ќе можат да му ја вратат девојката на мажот.
За спасувањето на ова девојче најмногу придонела новинарката Масих Алинеџад, која на Твитер објавила снимка од оваа свадба.
– Ова е венчавка на девојче помало од 13 години. Плачев кога го добив ова видео од округот Бахмај. По исламските закони девојче постаро од 13 години има право да се мажи, но не смее сама да одлучува како ќе се облекува – напиша згрозената новинарка на Твитер.
This a wedding party for girl who is under 13 years old. I cried when I received this video from
Bahmai County which is a county in Kohgiluyeh and Boyer-Ahmad Province in Iran. Under Islamic laws 13 year old girl can marry but cannot chose her dress code. pic.twitter.com/gqIQZDUcju— Masih Alinejad ?️ (@AlinejadMasih) September 2, 2019
Иако на снимката е замаглено лицето на девојчето, сепак убаво се гледа како таа ги држи рацете на очите и си ги брише солзите од лицето.
Снимката предизвикала толкав шок во јавноста, посебно кога новинарот Бабак Тагвеј изјавил дека малата невеста нема ниту 11, туку 9 години, а младоженецот 28!
Станува збор за борец на народната полиција Басиџ, на кого окружниот исламски суд му издал дозвола да се ожени со детето.
Ситуацијата е толку екстремна што државниот суд реагирал и го прекинал бракот се додека девојчето не наполни 13 години, кога, според иранските закони, може да се мажи.
Меѓутоа, бракот може да се склучи и кога детето е помладо ако судот и родителите дадат согласност за тоа.
— Газета.Ru (@GazetaRu) September 4, 2019
Згрозените корисници на Твитер најмногу ја коментираат реакцијата на присутните на свадбата, кои на оваа морбидна венчавка се однесуваат сосема нормално.
„Тоа е одвратно, на видеото никој не е тажен. Родителите слават и се веселат. Тие тоа го третираат како нормално, а тоа не е така. Тој човек е педофил, а родителите вршат насилство над сопственото дете. Што девојчето кое е невеста знае за тоа што ќе и се случува во иднина? Силување, тепање и така натаму“, пишува во еден коментар на Твитер.
„Се чини дека жените на видеото го минале истиот пат. И наместо да се обединат за да се стави крај на тоа, тие свесно дозволуваат нивните ќерки да го преживуваат истиот хорор“, гласи друг коментар.
