Родителите на жртвата од Британија сведочат: Трамп бараше да се сретнеме со убиецот на нашиот син

Семејството на загинатото момче / Фото: EPA-EFE/ANDY RAIN

Доналд Трамп се запозна со родителите на Хари Дaн во Белата куќа и се обидел да ги натера да се сретнат со Ен Скаулас, жената за која се тврди дека го удрила нивниот син со автомобил, настан по кој момчето починало, објави „Телеграф“.

Американскиот претседател  ја држел за рака Шарлот Чарс, мајката на загинатиот Дан, додека во другата просторија била Ен Скаулас. Шарлот открила дека Трамп трипати ја замолил да се сретне со жената која наводно го удрила нејзниот син, за полесно да може да „оздрави“.

– Искажа соучество, делуваше топло и гостољубиво, но не му беше потребно многу време за да ни соопшти дека во истата зграда е и Ен Сакулас – рече Шарлот.

Според нејзините зборови, таа останала без здив кога американскиот претседател ѝ ја соопштил оваа вест.

– Праша два или три пати. Кажавме дека не сакаме, не мислевме дека тоа е исправно – вели таа и додава дека Трамп инсистирал, но тие останале на своето.

Скаулас, сопруга на американски дипломат, возела во погрешна насока кога во август удри во мотоциклот на сега починатиот Харви пред базата РАФ во Велика Британија. Потоа ѝ беше доделен дипломатски имунитет и таа отпатува во САД за да избегне соочување со британските судови поради смртта на 19-годишното момче.

Но, во настаните од оваа недела, на родителите на Хари им е соопштено дека таа повеќе нема дипломатска заштита поради тоа што е во Америка. На состанокот во Белата куќа, Трамп им рече на очајните родители дека Скаулас нема да се врати во Велика Британија.

– Бевме малку шокирани, можеше да биде тука до нас. Не е прикладно да ја запознаеме без терапевт и посредник. Повторивме дека и понатаму сме подготвени за состанок, но на територија на Велика Британија – им рече Шарлот на новинарите.

Таа додаде дека убиецот на нејзиниот син треба да се врати во кралството и да се соочи со правосудниот систем на Британија.

– Таа мора да се врати во Велика Британија за да се соочи со нашиот правосуден систем и за да можеме да добиеме правда за Хари. Не сакаме состанок на американско тло, каде таа во моментов е останува скриена, а неговата смрт е ставена „под тепих“. Не е фер – рече мајката на момчето.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот