4 C
Скопје

Родилка и нејзиното бебе починаа на ГАК, внатрешна контрола го испитува случајот

Родилка и нејзиното бебе вчера попладне починале на Клиниката за гинекологија. Четириесет годишната трудница К.Ј. од населбата Шуто Оризари, Скопје била примена во приемната амбуланта на 18 септември, на нејзино барање со образложение дека е дојдена да ја види состојбата на нејзиното бебе.

Таа, како што соопштија од Клиниката, не знаела кога и бил последниот циклус и го информирала медицинскиот тим дека прави втор преглед откако е бремена, што значи, како што посочуваат од Клиниката, дека нејзината бременост не била контролирана и не знаела која недела е од бременоста. Ова на К.Ј. и била 11 бременост, има четири живородени деца и шест прекинати бремености.

Таа, наведуваат од ГАК, веднаш била ставена на ЦТГ мислејќи дека станува збор за терминска бременост, а по направениот ултразвучен наод е утврдено дека трудницата е во 36. гестациска недела од бременоста.

Прочитајте и...  Недостиг на храна поради Брегзит во Северна Ирска

– Според наодот на ЦТГ-то кој бил нејасен, лекарите дале мислење дека тоа треба да се повтори за два часа поради што на пациентката и било сугерирано да не се оддалечува на подолго време од Клиниката имајќи предвид дека живее во населбата Шуто Оризари, во меѓувреме нешто да јаде, по што трудницата излегла надвор од Клиниката за да испие кафе. На ЈЗУ У ГАК-Скопје таа се вратила во 16:15 часот и на лекарите им рекла дека во периодот од два часа била во својот дом, каде што прокрвавела, се вели во соопштението.

Дежурната екипа на Клиниката потврдила дека дошло до интраутерина смрт на плодот поради настанатата абрупција (одлепување на постелката). Веднаш и бил земен тест за Ковид-19 и додека се чекал резултатот од тестот кој бил негативен и била земена крв за лабораториски иследување и за утврдување на крвната група на пациентката, која до тој момент, поради неконтролираната бременост, не била позната.

Прочитајте и...  Џиџи Хадид го откри името на нејзината ќерка: Името е со виетнамско потекло

Трудницата побарала стерилизација и откако нејзиното семејство било информирано дека бебето е загубено, дека таа обилно крвави поради што мора итно да биде оперирана, дежурната екипа итно влегла со пациентката во сала. И била терминирана бременоста со царски рез и направена стерилизација. На отворањето интраоперативно имала целосна абрупција на постелката.

– По извршената интервенција, таа била префрлена во шок соба каде што и покрај интензивната реанимација по протокол, продолжило влошувањето на нејзината состојба, по што целиот тим гинеколози и анестезиолози одлучиле дека треба да се направи ревизија. Истата е направена меѓутоа и покрај целосниот напор на медицинскиот тим да биде спасен животот на пациентката, таа егзитирала вчера, на 19 септември во 17:43 часот, наведуваат од Клиниката.

Прочитајте и...  На Фаучи му олеснило што повеќе нема да противречи на претседателот на државата

Оттаму посочуваат дека внатрешна Комисија за контрола на квалитет на ГАК го испитува случајот, а од утре ќе го разгледува и Комисија формирана од Министерството за здравство.

Поврзани вести

Борис Џонсон: Мутираниот коронавирус од Велика Британија може да биде уште посмртоносен

Слободен печат

Одборот на Сенатот едногласно ја одобри кандидатурата на Џенет Јелен за министерка за финансии

Слободен печат

Албанците кои ја примиле првата доза од вакцината ќе добијат „ковид-пасош“

Слободен печат

Мадуро сака да додаде ѕвезда на венецуелското знаме: Еве што би претставувала таа

Слободен печат

Вучиќ за случајот со Алексиќ: Како татко на женско дете, можам да кажам дека не постои нешто поодвратно

Слободен печат

Станкоски: Прилепскиот комбинат е подготвен за откуп, сѐ зависи од потпишувањето на договорите со кооперантите на „Далија табак”

Слободен печат

Остави Коментар