РК Вардар со ново име, Михајловски генерален менаџер на „црвено-црните“
Ова е нов момент за екипата која двапати во три години ја освои титулата во Лигата на шампионите…
Како што се најавуваше и од претходно, се регистрира РК Вардар како нов субјект со додавка во името, Вардар 1961.
Според „faktor.mk“, компанијата за изградба и одржување на топлотехнички постројки Ватростална официјално стана нов сопственик на клубот.
Ова е нов момент за екипата која двапати во три години стана европски шампион, старо-новиот сопственик Михајло Михајловски ќе менаџира со „црвено-црните“.
Како партнери-помагатели, претседател на Одборот на директори е Бојан Јанев, а неизвршен член на истиот е Благоја Лазаревски.
Вардар веќе размислува за следната сезона, започна со ангажирањето на нови трансфери, досега обезбедени се услугите на Робин Кантегрел, Филип Талески, Дмитри Санталов, Томислав Јагуриновски и Гоце Георгиевски.