РК Алкалоид славеше убедливо во својот прв официјален натпревар
Денеска од 12:00 ч. во СЦ „Борис Трајковски“ – Скопје РК „Алкалоид“ го одигра првиот официјален натпревар во машката Прва лига против тимот на РК „Металург – РА“.
РК „Алкалоид“ предводен од тренерот Љубомир Савевски доминираше во текот на целиот натпревар и убедливо победи со конечен резултат 37:18, после првото полувреме водеше домаќинот со 19:9.
– Нека ни е со среќа првата победа и да нѐ прати успех и натаму! Честитки до нашите играчи, кои одиграа беспрекорно, и честитки до стручниот штаб, кој се погрижи нашите ракометари да бидат во топ-форма и одлично тактички подготвени за натпреварот – информираат од РК Алкалоид.
Во победничките редови Стојков имаше најмногу погодоци, вкупно девет, два помалку забележа Кофилоски.
На спротивната страна по четири голови постигнаа Ангелески, Прцуловски и Неданоски.