Мекинро смета дека низ историјата имало исто така големи ривалства кои одбележале една ера од тенисот.

– Дуелите помеѓу Федерер и Надал дефинитивно се фантастични, но имаше многу големи ривалства низ историјата. Тука се и ривалствата како Бекер-Едберг, Агаси-Сампрас, Бјон Борг и јас или Џими Конорс и јас, и сите тие одбележаа една ера… Сепак, нивото на игра кое го достигнаа Рожер, Рафа Надал и Шоковиќ е единствен и историски – вели Мекинро.

Поранешниот тенисер кој сега работи како аналитичар за неколку телевизии, смета големата тројка на тенисот е нешто невидено досега.

– Тие тројца постојано напредуваат, се подобруваат иако сите велат дека нивното време полека заминува. Толку се мирни кога играат со младите тенисери, тоа е нешто неверојатно. Во моето време, постарите тенисери стануваа се поспори и беа плен за помладите конкуренти, но тоа на Рожер, Рафа и на Новак не им се случува – додава Мекинро.

Рожер Федерер и Рафаел Надал, еден против друг играле 40 пати, а поуспешен во меѓусебните дуели е Шпанецот кој има 24 победи и 16 порази.