Ривалдо: ПСЖ со Меси може да ја освои Лигата на шампионите!
Сѐ погласни се шпекулациите дека Лионел Меси ќе ја напушти Барселона и ќе се пресели во редовите на ПСЖ.
Ова го потврди и еден француски новинар кој рече дека има проверена информација и дека Аргентинецот пристигнува во Париз. Навивачите на францускиот клуб се возбудени поради ваквите најави, а свој коментар имаше и легендарниот Бразилец Ривалдо.
– Би сакал да ги видам Нејмар и Меси повторно заедно, па макар и во ПСЖ. Нејмар истакна дека ќе ги здружи силите, тој сигурно знае нешто – рече Ривалдо и додаде:
– Сигурно нешто му навестуваат од врвот на клубот за преговорите. Двајцата се пријатели, разговараат..Нејмар знае дека му истекува договорот на Меси и тој прави притисок врз Аргентинецот да дојде во францускиот главен град – се зборовите на екс играчот на Барса.
Медиумите во Шпанија шпекулираат дека со доаѓањето на Меси, се отвора патот на Килијан Мбапе да направи трансфер во Реал Мадрид:
– Кој знае, можеби сите тројца ќе играат заедно. Доколку тоа се случи, ПСЖ би бил фаворит во сите натпреварувања, особено во Лигата на шампионите – смета Ривалдо.
ФОТО: Навивачите за восочната фигура на Меси, изгледа како Ремзи!