Рита Ора, Џеј Ло, Бела Хадид… Црвениот тепих го заменија со Инстаграм, но со помалку облека на себе (ФОТО+ВИДЕО)
Ни светските ѕвезди не ги заобиколи изолацијата поради пандемијата на коронавирусот. Принудени се да престојуваат меѓу четири ѕида, а гламурозните настани и црвениот тепих сега можат да го заборават.
Но, со оглед на тоа што не се појавуваат на црвениот тепих, сега зачестија со свои фотографии, видeа и вклучувања во живо на Инстаграм, каде што многу од нив споделуваат сексапилни и провокативни фотографии со своите фанови.
Џенифер Лопез деновите во изолација ги поминува со вереникот Алекс Родригез, а со разголените фотки постојано го привлекува вниманието.
Рита Ора е во изолација на имотот во Котсволдс, оддалечено 150 км од Лондон. Времето го поминува во големата градина во опуштено издание, а ја отвори и сезоната на сончање.
Kајли Џенер е „заробена“ во огромната вила со ќерката и дечкото, а досадата ја убива позирајќи во бикини.
Британската кантавторка Лили Ален во неколку наврати пишуваше како е прашање на ден кога ќе и забранат да користи Инстаграм поради содржините со кои ги опсипува фановите. Сепак, неодамна пак ги почести со разголено издание.
И на фотографиите на Софија Вергара во преден план се нејзините бујни облини.
Бела Хадид моментално не може да се шета по модните писти, но редовно има снимања преку FaceTime. Секако, повеќето од нејзините фотографии се во разголено издание.
