Борко Ристовски имаше одличен натпревар против против Исланд бранејќи 13 шута но за наша жал не успеа да го одбрани најважниот, во последните моменти со кој противникот извлече реми.

– Ние после таа победа во Рејкјавик знаевме дека ќе не очекува потежок меч. И во поголемиот дел од овој дуел, тие имаа контрола, но нас овој бод иако е задоволувачки, ни останува горчлив вкус бидејќи имавме шанса за победа. Но, ние во два меча со Исланд не загубивме и на ова треба да се гледа како нов почеток и нов чекор за да го одржиме нивото на ракометната репрезентација, па и да го кренеме. Сега не очекуваат два меча во кои најважно е во каква форма ќе биде целата репрезентација, зашто дуелите доаѓаат по тешка и напорна сезона. Но, од нас зависи сè. Зашто Турција има некој квалитет, но не е селекција од која треба да стравуваме, а ниту од Грција. На нас е да ги збиеме редовите и да победиме – рече Ристовски.