Ристовски имa проблем со дисциплината
Македонскиот репрезентативец Стефан Ристовски одигра уште една добра сезона за тимот на Спортинг, но очигледно е дека овој фудбалер има проблем со дисциплината.Сезона тој заработи дури три црвени картони, поради што го загуби правото на настап во финалето на Купот на Португалија.
– Знам дека Стефан е добро момче, но три црвени картони во една сезона се знак дека нешто не е како што треба. Ќе треба да разговараме – изјави тренерот на Спортинг, Марсел Кајзер.
На дуелот со Тондела, Македонскиот дефанзивец доби директен црвен картон, а дисциплинската комисија процени дека станува збор за „намерно удирање на противнички играч додека топката не е во близина”, изрекувајќи му на Ристовски дополнителен меч казна од вообичаениот еден натпревар неиграње.
Ова практично значи дека десниот бек нема да настапи во последното коло против Порто, а потоа ќе го пропушти и куп-финалето на Португалија.