Македонија денеска го заврши настапот на своето прво Европско првенство со три максимални порази од Австрија, Украина и Холандија.

Од ваквиот епилог во групата „Ц“ не е задоволен еден од нашите најдобри одбранбени играчи Стефан Ристовски кој смета дека сме можеле повеќе во текот на натпреварите во Букурешт и Амстердам.

– Знам дека оваа репрезентација може многу повеќе, но јас не сакам да се задоволувам само со учества на вакви големи натпреварување. Дојдов тука со амбиции да направиме нешто, да дојдеме до резултат, до бодови, а не да бидеме туристи, да не се „палиме“ на атмосфера.

Доста се тешиме со тоа дека сме некакви „херои“, фудбалот се игра 90 минути, но тоа некои фудбалери не го разбираат. Посакувам и во иднина да имаме добри резултати, успеси со македонската репрезентација. Упатувам благодарност до навивачите кои ја даваа поддршката, но ние не одговоривме како што ветувавме и планиравме од наша страна.

Да, емоциите работат, и треба да се извлечат поуки. Не постои личност како Горан Пандев, вечно ќе се сеќаваме на овие моменти со него. Му се заблагодаруваме и тој треба да биде пример за помладите играчи, како се игра за овој дрес – вели Ристовски.

Ангеловски ја имаше последната прес конференција како селектор на репрезентацијата!