Ринс го искористи киксот на Маркез
Возачот на Сузуки, Алекс Ринс ја оствари првата победа во Мото ГП класата на трката која се возеше во Остин за Големата награда на САД. Тој успеа да го искористи падот на Марк Маркез и ја прекина неговата доминација во Остин.
History made at @COTA! ?@Rins42 holds off @ValeYellow46 for his first #MotoGP win! ?#AmericasGP ?? pic.twitter.com/s4wjlB11yU
— MotoGP™ (@MotoGP) April 14, 2019
Ринс во Остин дојде до 13. победа во кариерата но прва во Мото ГП класата откако на четири кругови до крајот го претекна возачот на Јамаха, Валентино Роси кој мораше да се задоволи со второто место. На третата позиција се пласира возачот на Прамак Дукати, Џек Милер.
Лидерот во генералниот пласман Марк Маркез не успеа да ја заврши трката бидејќи на 12 круга до крајот излета од патеката и ја прекина доминацијата на трката во САД која трае од 2013 година.