Во рамките од 22. коло во најсилното италијанска фудбалска Серија А екипата на Рома неочекувано загуби на гостувањето кај Сасуоло со резултат 4:2.

Римската „волчица“ беше шокирана на стадионот во Реџо Емилија уште во првото полувреме после кое имаше негатива од дури 3:0. Кај домаќините двапати Капуто стрелаше, а еднаш српскиот интернационалец Ѓуричиќ во 26. минута од средбата.

Римскиот клуб успеа за момент да ги врати надежите на ова гостување откако намали преку Џеко и Веретут, но сите дилеми околу победникот ги реши Бога во 74. минута.

Денеска се одиграа уште две средби од првенствената рунда во Италија, Болоња со 2:1 беше подобра од Бреша, а ремизираа Каљари и Парма (2:2).

На табелата води Јувентус со 51 бод, пред Интер (48), Лацио (46), Рома (39), Аталанта (38), Каљари (32)…