Потсетување дека поради лошиот резултат во олимписките квалификации, Казис Максвитис поднесе оставка на позицијата селектор на машката сениорска кошаркарска репрезентација на Литванија.

Како што официјално објавија од тамошната федерација, за нов селектор е назначен Римас Куртинаитис.

– Најпрво, би сакал да се заблагодарам на Литванската кошаркарска федерација, како и на Здружението на кошаркарски тренери на Литванија, за довербата. Тоа не даде некои големи емоции, бидејќи работата е многу одговорна, а задачите се големи. Една од ваквите задачи е да се пласираме на следното Европско првенство – вели Куртинаитис.

Во квалификациите за ЕП 2025 токму Литванија е следниот противник на македонската репрезентација.

Првиот меч е на 21 ноември годинава во Скопје, а три дена подоцна е возвратниот дуел на теренот на противникот.

Во овие квалификации почнавме со домашен пораз од Естонија (69:74), па убедливо славевме на гости кај Полска со 96:71.