Ријана се извини за несоодветната употреба на исламскиот Хадис во нејзината ревија за долна облека
Пејчаката Ријана се извини откако муслиманските обожаватели ја „осудија“ за несоодветната употреба на исламскиот Хадис во нејзината последна ревија за долна облека „Savage X Fenty“.
Таа доби многу критики за користење на песната „Doom“ од артистката Куку Клои, која вклучува муслимански Хадис.
Хадисот е пишан запис за изреките и постапките на пророкот Мухамед и неговите најблиски придружници, авторитетноста на текстот е веднаш после Куранот. Арапскиот стих користен во песната на Клои е дел од Хадис кој се однесува на „судниот ден“.
Куку Клои се извини прва, велејќи дека не била свесна дека песната содржи исламски стихови.
„Би сакала да ѝ се заблагодарам на муслиманската заедница што укажа на огромниот пропуст што беше ненамерно навредливо во нашето шоу за „Savage x Fenty“. Уште поважно, би сакала да ви се извинам за оваа искрена, а сепак невнимателна грешка. Ние разбираме дека повредивме многу од нашите браќа и сестри муслимани, јас сум неверојатно разочарана од ова!“, изјавила пејачката.
„Јас не си играм со какво било непочитување кон Бога или која било религија и затоа тврдам дека користењето на песната во нашиот проект беше целосно неодговорно! Ќе се погрижиме вакво нешто никогаш да не се повтори во иднина. Ви благодарам за прошката и разбирањето“, стоеше во писменото извинување на Ријана до јавноста.
Иако модниот бренд „Fentу“ беше пофален за посветеноста на различностите во минатото, деновиве е жестоко критикуван.
„Исламот не е естетика, религијата не е естетика“, беа дел од „поблагите“ коментари на мислиманските приврзаници.
Но, иако дел од мусиманските обожаватели на Ријана го прифатија нејзиното извинување, голем дел од нив сметаат дека на големите брендови и модната индустрија им се потребни повеќе муслимани за да се избегнат вакви непријатни ситуации во иднина.
Многу модни блогери беа разочарани од настанот пред јавното извинување на Ријана, велејќи дека користењето на Хадисот во песна на која полуголи жени танцуваат во долна облека е навистина навредливо за Исламот кој важи за многу скромна религија.
Сега се поставува прашањето дали по овој инцидент модниот брендот „Fenty“ ќе „изгуби“ дел од своите постојани клиенти и што ќе се случува понатаму.
