На британските државјани како и на останатите членови на Формула1 екипите кои немаат пасоши од Европската унија им е порачано дека од доаѓањето во Унгарија тие мораат да бидат или на патеката или во своите хотели и секој што ќе ги прекрши правилата ќе биде казнет со 15.000 евра или со затворска казна.

Исто така се наведува дека сите ќе мораат да се хранат или на патеката или во своите хотели, а користењето најавниот превоз или такси возилата им е забранет.

Овие наредби од унгарската влада може да погодат поголем број на вработени во екипите бидејќи седиштето на седум Ф1 тима е токму во Велика Британија.

Наредбата ќе се однесува и за голем број возачи, Британците Хамилтон, Норис и Расел, Тајланѓанецот Албон, Мексиканецот Перез, Канаѓаните Строл и Латифи, Австралијанецот Рикиардо, Русинот Квјат и Леклер кој е од Монте Карло.