Премија која е исплатена на сениорите од страна на првите луѓе на Ракометната федерација на Македонија.

По претходно донесена одлука на Управниот Одбор, исплатени се 40.000 евра на машката сениорска репрезентација за пласманот на Европското Првенство кое ќе се одржува во Австрија, Норвешка и Шведска 2020 година.

Македонските репрезентативци го освоија првото место во квалификациската група за ЕП во која уште се наоѓаа и репрезентациите на Исланд, Турција и Грција, со што се најде во вториот шешир за извлекувањето на групите за континенталниот собир.

Ова ќе биде шести пласман на македонските машки сениори на Европските Првенства по настапите во Италија (1998), Србија (2012), Данска (2014) и Полска (2016), Хрватска (2018).

Нашата селекција на континенталниот собир ќе настапува во Австрија, поточно во Виена во јануари 2020 година и ќе игра во групата Б против Австрија, Чешка и Украина.